※ 歡迎參觀「AC 家族」專頁相簿※
※↑↓
Click Banner to Enter ↑↓※
※↓
Haydon 舊相片 ↓※
Click
to back 人像攝影
8 May 2010 - 31 May 2010 | |
使用器材 : Nikon D3
Nikkor AF 50mm f/1.4D |
|
五月份係母親節, 媽咪生我生得咁辛苦就緊係要 Thanks Mom ~ :D 我搵o左 Daddy 同我一齊諗送咩o野俾媽咪, 最後都係買花 - 康乃韾 ... 媽咪收到花好開心呢 ~ :D ** 由六月開始, 我同細佬衍曦個相簿會合併 : Hanson X Haydon ... 請大家繼續支持啊 ~ ^o^/ |
8 April 2010 - 7 May 2010 | |
使用器材 : |
|
Bye Bye TKO 的家 ~ 為o左我九月上小學, 我o地一家要搬去鑽石山的新居了... 媽咪好唔捨得, 但係為o左我番學要搬, 唔捨得都搬了 T^T 我有一個好大o既突破, 我參加o左學校o既講故事比賽, 上台講故事時我緊張到唔記得做任何一個之前媽咪教o既動作呢 ~_~ 我拎唔到獎唔開心, 仲有o的發皮四, 情緒控制到, 我要再進步啊 ~ |
8 March 2010 - 7 April 2010 | |
使用器材 :
Nikon D3 |
|
有一次同 Daddy 去玩具反斗城, 玩夠時間我唔肯走, 發皮四走開o左, 攪到 Daddy 搵唔到我, 當 Daddy o係玩具反斗城搵緊我時, 我以為 Daddy 走o左出去, 去o左樓梯口等佢, 不過 Daddy 似乎唔知我出o左鋪, 最後攪到 Daddy 媽咪好緊張好驚, 好彩最後媽咪都搵到我 我都好驚好怕, 我下次唔敢自己放皮氣行開了 >_< |
8 February 2010 - 7 March 2010 | |
使用器材 : |
|
好開心呀! 今個月我又可以同 Daddy 媽咪去旅行 ~ ^^ 今次又係去佢o地最鍾意o既日本 唔同o既係, 今次係去東北區, 佢o地都未去過o架呢 ~ :) 我好記得落雪真係好得意, 起初好似落雨咁, 慢慢, 慢慢就變成為落雪, 跟住第二朝就成地都係雪, 好得意呀 ~ :D 另外, 去到雪山山頂好難頂, 我已經著到成隻大糉咁都頂唔順, 又大風, 又多雪粉打埋o黎, 最後我都係理埋o係室內等 Daddy 媽咪 ~ >0< 旅行真開心 ~ 我要帶埋細佬一齊去 ~~~ :D |
8 January 2010 - 7 February 2010 | |
使用器材 :
Nikon D3 |
|
有件事唔係咁開心o既, 雖然我好有性格, 就算要上台表演都成日好 cool ... =X 但學校似乎 label o左我做難管教的一類, 所有o的校外表演或比賽都冇我份 ~__~ Daddy, 媽咪為此都有o的緊張 佢o地想我改善, 但係我唔識點做啊 ~ 0_0 Daddy 呢排陪多o左我 好似係媽咪同 Daddy 傾完計後就咁 點都好, 我好開心呢 ^^ |
8 December 2009 - 7 January 2010 | |
使用器材 : |
|
呢個月勁忙 ... 又要去由幼稚園安排o既小學參觀, 又要去睇聖誕燈飾 又要去表弟滿月酒, 又要去聖誕表演, 又要去數碼聖誕港嘉年華, 又要去細路衍曦o既 0906BB 生日 party, 又要去睇太空館大電影, 總之就係忙到甩肺啦 ~ :P 另外, 我o係公文式到又超o左班囉 ~ ^o^/ 今次仲有 cert 同埋銅牌o添呀 |
8 November 2009 - 7 December 2009 | |
使用器材 :
Nikon D3 |
|
今年我知咩係 Halloween ^^ 我要媽咪買o野俾我玩, 最後我揀o左對大眼睛軟糖, 又可以扮o野, 又可以食 一舉兩得 ~ :P 我扮大眼怪個樣都好鬼得意o架 ~ 呵 到十一月底十二月, 又係到聖誕節o既日子, 又係 Daddy 捉我去狂影相o既日子 ... v_v 到十二月頭咋, Daddy 媽咪已經同去影o左四五個地方影聖誕燈飾了 影到冇表情 ~ =X |
8 October 2009 - 7 November 2009 | |
使用器材 : |
|
媽咪生日又係變o左家庭日, 或者係兒童日, 即係又係帶我同細路衍曦去玩o既日子 ~ 今年媽咪生日o個日我o地去o左濕地公園遊玩啊 原來濕地公園都冇咩我有興趣去睇o既 ~ 我最開心o既就係入到去濕地公園個室內兒童遊樂場到玩 ~ o個到好大好高好好玩 ~ 玩到我自己都覺得自己發晒癲咁暴走呀 ~~~ 吼吼吼 ~~~ =O= 講開遊樂場, 我今次又有得去 Snoopy Land 到玩 ~ 又係暴走勁跑勁玩 ~ 玩得好開心呢 相反去九龍城公園冇乜得點玩, 淨係睇住媽咪同 Daddy 幫細路影相, 真係悶到我發傻啊 ... 好在最後都有得玩o下 ~ :P 呢個月媽咪請o左私人游水教練o黎教我游水, 係 1 on 1 的呢 ~ :X 我諗, 我應該會學得爽手o的掛 ~ XD |
8 September 2009 - 7 October 2009 | |
使用器材 :
Nikon D3 |
|
嗚 ~ Daddy 掛住影細路, 影我o既相開始減少緊 ~ 要同 Daddy 投訴先得 ~ @_@ 因為東亞運動會關係, 我要去做啦啦隊表演, 不過我唔係好投入咁款, 唔係太跟動作做, 唔知點解呢 ... ?_? 衍曦細路佢o係 10 月 6 日一百日生日呀 ~ ^o^ 我o地去o左食日本o野 ~ 好好味呢 ~ :D 似乎係我o地慶祝多過係慶祝一百日生日 ~ 0_0 |
8 August 2009 - 7 September 2009 | |
使用器材 : |
|
今個月我五歲生日啦 ~ :D 今年簡單o的去麥當當攪生日會 ... 好多同學仔、朋友仔o黎o左 ~ 現場仲俾兩位靚女朋友仔啜啜 ~ 好開心啊 ~~~~ 呵 呢個月開始 daddy 媽咪開始交我o既小學入學申請囉 見到佢o地真係好辛苦 又要去聽講座 又要去八掛資料 又要去填 Form 又要去交 Form 多o野做到不得了 ~ :X 辛苦晒佢o地囉 :) |
8 July 2009 - 7 August 2009 | |
使用器材 : |
|
今年 K3 學校俾o左個學業獎俾我, 起初以為好勁啦, 原來係醋肉獎 :X 個個都有獎 ... 不過相對拎學業獎都好o既 ~ :) 今個八月一日細路擺滿月酒囉, 而細路個名都改好了, 就係叫「陳衍曦」~ =) 同我個名只係差一個仔咋 ~ ^o^/ 連埋 衍曦, 而家我有三個細路 : 衍竣 同 衍曦, 仲有表弟 張僖晉 呢 ~ |
8 June 2009 - 7 July 2009 | |
使用器材 : |
|
第了十個月, 細路終於出世了!\(^O^)/ 細路o岩o岩出世, Daddy 媽咪連細路個名都未改, 所以而家我都係只可以叫佢細路咋 ~ XD 細路佢o岩o岩出世個身體好軟, 抱佢o個時 Daddy 媽咪都好緊張啊 ~ =X 攪到我都好緊 ~ 呵 最後都完成呢次哥哥抱細路o既世紀一幕 ~ :D |
8 May 2009 - 7 June 2009 | |
使用器材 :
Nikon D3 |
|
今次係我第二次去赤柱 ... 起初都好有 energy 好有力水, 又跑又跳好開心 到後期好攰無晒 mood 囉, 連影相都冇晒力 ~ :X 好在最後o係埋赤柱食鬼佬餐, 可以休息o下 咦e ~ 原來我係第一次o係赤柱食晚餐呢 ^^ 其實 5 月 20 日係 daddy 生日 不過呢, 媽咪生日個重要性遠比 daddy 生日高呢 ~ 呵 o係呢到再同 daddy 講 ... Happy Birthday ... 補補數啦 ~ ^3^ 去到 5 月底, 係細佬出身前o既一個月囉 ... 好緊張呢 daddy 再次幫媽咪同細佬影靚相, 繼o係三月影到我好冧o個張外, 呢新一輯我最鍾意係我扮大肚o個張呀 ~ HAAAA ... XDD 6 月初係 Venice 妹妹生日會, 佢o係 daddy 好朋友個囡囡, 生日會場地好好玩, 我跑足 3 個鐘咁濟 不過出o黎行預o左要還, 因為過度跑, 我兩隻小腿夜晚都好痛呀 >_< 好在 daddy 幫我搽按摩膏後我先訓到呢 ... |
8 April 2009 - 7 May 2009 | |
使用器材 : |
|
我第一次去大澳門去放風箏, 其實我唔係好識放, 都係爹o地佢放到咁上o下高後 俾我拎住風箏個 wheel, 都唔好玩o既 (因為我唔識放嘛 =X) 我拎住條風箏尾玩仲開心 ... XDD 玩完風箏去o左海灘同媽咪+細佬影水著呀 ~ 呵 我唔怕沙唔怕水, 玩得好開心啊 仲有印印姐姐一齊玩呢, 我好鍾意印印姐姐o架, 不過佢身上o的血有弓型虫, 為o左細佬同媽咪安全著想, 只好請印印姐姐番老家了 ... 唉 :( 爹o地生日o個日 (好似話係農曆生日), 同o左媽咪+細佬及麻麻去o左珀麗灣影相相 o個到好大好靚呢 ... 不過時間唔夠, 去唔到入面個大公園, 唯有下次去過 ~ :P |
8 March 2009 - 7 April 2009 | |
使用器材 :
Nikon D3 |
|
三月中距離媽咪肚裡面細佬出世只係仲有三個月, ^o^/ 爹o地幫媽咪同我影o左第一輯有細佬o既相呢 去o左樓下公園影之外, 仲有o係屋企同我同細佬o黎第一張合照啊 個個睇完張相, 都話我個樣好冧呀 ~ 哈哈 ~ XD 跟住本來話去花展o架, 不過媽咪揀錯o左日子, 去o個日原來已經o岩o岩 close o左囉 ... 咁唯有去o左香港公園影花花頂住先 ... v__v 去到學校 sports day o個日, 玩得好開心啊 ... :) 美中不足係爹o地因為工作上需要行開o左成個鐘, 要媽咪上陣, 攪到 Miss 大為緊張, 因為媽咪緊大肚啊 ~ XD |
8 February 2009 - 7 March 2009 | |
使用器材 : |
|
媽咪買o左羽毛球俾我玩 嘩 ~ 好難玩呀, 暫時仲係好難打中個羽毛球 拎住球拍同羽毛球影o下相就得 ...XP 我讀o左近一年o既 Jolly Phonic o係二月我畢業了! Miss 話我超班完成, ^o^/ 超唔超班唔緊要, 最緊要我鍾意上英文班 I'm loving it ... :D 隨住 Jolly Phonic 完成, 媽咪又搵過另一個 course 俾我, 今次要過對面海o既北角上堂, 上咩堂我未知呀, 但係入面好多o野玩, 好開心呢 ~ =D |
8 January 2009 - 7 February 2009 | |
使用器材 : |
|
呢個月好多生日 party 呀 ~
=D 除o左媽咪幾位朋友仔女的生日會外, 仲有細佬陳衍竣o既一歲生日 ~ ^^ 其中兩場仲要係同一日去兩次麥噹噹生日會啊 ... 真係去麥噹噹如去屋企一樣 ~ =X 去到一月廿六日, 就係我第四年去拜年 ~ :) 初一到麻麻家, 初二到太婆家, 初三好多爹o地o既朋友o黎屋企 中間仲有去好多媽咪邊o既親戚到拜年 ~ 好忙 :O |
8 December 2008 - 7 January 2009 | |
使用器材 : |
|
呢個月係聖誕月, 好多商場都有聖誕裝飾 Daddy 係咁同我影相 影到我咀都扁埋 .... 人o地好攰o架 ... 噓 ~__~ 我 nur 住 Daddy 媽咪去睇荒失失奇兵 2 ... 好囉 ... 最後佢o地都陪我去睇 去到睇戲, 我好怕大聲呀, 仲驚到喊 ~ 嗚 X( 成套戲, Daddy 媽咪笑得仲多過我, 究竟係佢睇戲定係我睇戲呀 ... =___= Daddy 呢個月放o左個長期, 陪o左我同媽咪去做餅親子班, 又陪o左我去踢波 Daddy 係陪多o左我呀 ... 不過我都係鍾意媽咪 ^^ 有時出街我淨係拖媽咪, 我唔拖 Daddy ... >3< 激到 Daddy 生蝦咁跳呢 ... XDD |
8 November 2008 - 7 December 2008 | |
使用器材 :
Fujifilm Natura BLACK F1.9
|
|
我學游水咁耐, Daddy 都係第一o黎睇我學游水 講開游水, 我o個班本來仲有兩三個同學仔, 但係因為唔同o既原因, 佢o地唔係轉o左時間就係唔再學 最後變o左一個阿 sir 教我一個 ... haa ... 賺晒 =D Daddy 帶o左我同媽咪去佢讀大學o既中文大學校友日到玩 其實都冇乜o岩我玩o既 ... :( 係個小露寶吹氣彈床好玩, 不過要排好耐隊啊 ... >_< 不過呢, 我o係呢到竟然可以試打o左o下 golf ... 個老師仲話我打得幾好 ... 似乎我可能係 HK Tiger ~~~ XD |
8 October 2008 - 7 November 2008 | |
使用器材 : |
|
媽咪生日又變o左我生日 ... 嘿嘿 媽咪生日o個日, Daddy 媽咪又係同我去迪士尼玩 o個日玩o左好多遊戲呀, 不過晒開心都係玩轉轉杯, 笑到我停唔到口呀 ... 呵呵呵 XDDD 我好快又去第二次賣旗囉 ... 今次仲叫埋兩三個同學仔一齊去賣旗 Daddy 今次仲落埋o黎幫手賣旗 睇佢兇神惡殺個樣 ... 似乎o的路人係被迫買旗 ... XDD |
8 September 2008 - 7 October 2008 | |
使用器材 : |
|
呢個月我第一次賣旗呀 ... :D 平時 Daddy 媽咪買旗就多, 我同媽咪都係第一賣旗 完全感覺到被路人唔理o既感覺 ... 以後見到人賣旗, 都係幫忙買張大家都舒服o的 ^^ 細路陳衍竣原來同我一樣好鍾意游水, 我o地一齊去o左陳姑姐屋企個 club house 到游水 佢成身肉好似米芝蓮呀 ... haaa 我同佢游水玩得好開心呢 :) 我o地又去o左昂平 360 同大澳玩 玩完我o地去o左東涌, 買埋泳褲o係商場門口個噴水池玩水呀 XDDD |
8 August 2008 - 7 September 2008 | |
使用器材 : |
|
8 月 8 號囉!! 呢日係我四歲生日o既正日呀 ~~~ ^o^/ 我四歲啦, 好開心呀 ~~~ \^o^ 生日正日 Daddy 同 媽咪帶o左我去迪士尼酒店食大餐呀 ... 好好味呢 ~ :D.. 之後仲o係酒店玩o左好耐先走呀 ... 呵 呢個月o既某星期日就勁囉 ... Daddy 竟然同我o地一樣晨咁早起身去同我同媽咪去游水 ~ @_@ 去到沙灘, 原來 Daddy 都唔係游水, 佢只係又搵我o黎試部新玩具 ~__~ 好在我泳術"精湛" ... 先冇失禮場面 ... haaaa ... XDDD |
3 August 2008 四歲生日會 - 7 August 2008 | |
使用器材 : |
|
八月了 !!! 我咁開心因為我係八月出世o架 ... 八月八日就係我生日呀 不過今年八月八日係星期五, 所以我今年o既生日o係八月三日o既星期日攪呢 我好開心, 因為 Daddy 媽咪 為我個生日會放o左好多心機 ... I love Dad & Mom ~~~ ^3^/ Daddy 早於七月中已經用o左好多時間幫我o既生日會整o左條好靚o既 banner 放o係生日會場門口 媽咪 由頭到尾幫我約好晒我o的同學仔, 朋友仔, 同埋o的女朋友仔 (呵 ~ 講o下咋, 我未有女朋友o架 ... XDD) 除o左約人o黎我o既生日會外, 媽咪佢自己煮o左大部份生日會o既食物 ... 好好食呢 ~~ 生日會當日, 媽咪仲安排o左小丑姐姐o黎同我玩 ... 好開心呢 個生日蛋糕更係我呢期最鍾意o既 Thomas 呀 ... 原來, 好多朋友仔佢o地都好鍾意 Thomas 呀 佢o地個個都望住我個蛋糕流晒口水 ... 呵 小丑姐姐臨走前幫我o地整波波玩具, 其他小朋友要花花呀, 槍槍呀, 劍劍呀 ... 我呢 ... 我就緊係好有性格咁要一個 4 字o既波波玩具啦 ... 係咪想知點解呢? ................ 因為 ............... 我四歲o丫嘛 ... haaa ... =D |
8 July 2008 - 2 August 2008 | |
使用器材 : |
|
早前我係多拉A夢 fans ... 不過今期我轉o左転囉 我而家已經係 Thomas o既 fans 啦 ... ^o^ Thomas o係香港有有話劇, 媽咪問我去唔去睇 我就緊係二話不說去睇啦 ... 呵 ... =D 媽咪仲勁到捉埋 Daddy o黎 ... 要 Daddy o係平日請一日假o黎陪我去睇 Thomas 話劇 聽媽咪同 Daddy 講 ... 計埋計埋 ... 今次睇個話劇都好貴呀 ... 因為 Daddy 一日假唔平 ... :X 個話劇雖然我睇得好開心, 好投入 ... 不過似乎時間太短了 .... 雖然我要家主力係 Thomas o既 fans ... 不過我都仲係鍾意多拉A夢o既 ... 所以 Daddy 媽咪 話帶我去 "叮噹" o既扭蛋展呀 ... 都唔明白點解佢o地兩個叫多拉A夢做叮噹o既 ... :? 上個月我講我參加o左體操堂 ... 最後媽咪冇幫我再續上堂囉 話我大個仔o的再o黎學過 ... 都好, 壓腿真係好痛呀 ... x__x |
8 June 2008 - 7 July 2008 | |
使用器材 : |
|
呢個月我o係運動上大活躍呀 ~~~ ^o^/ 除o左識踏單車, 次次都要跑幾轉先夠皮外 呢個月開始上堂學習體操, o岩o岩開始就主要做鬆根骨o既練習, 不過其實都好辛苦, 特別係要壓腿同埋慢慢要練習去做一字馬 ... 嘩 ~ 好痛呀 ... >__< 到七月初放暑假, 我仲學埋游水o添呀 ... :) 原來游水都好好玩, 都唔知點解我以前咁怕水 ... 落襯水都要抱實 Daddy、媽咪 ... 學o左唔夠兩堂, 已經識用腳踏水囉 ... 叫做游到o下o架 ~~~ :P |
8 May 2008 - 7 June 2008 | |
使用器材 : |
|
我o既弟弟 - 陳衍晉 ... 佢好鬼似大伯 .... 可以話真頭係餅印一樣 ... 好鬼攪笑 ~~~ ^o^/ 媽咪同我o的同學o的媽咪熟o左後, 而家佢o地經常有聯絡, 除o左幫我o地幾個同學攪活動外 ... 都唔知有冇收風睇o下我o係學校到有冇曳曳 ... 哼哼 ~~~ 越諗越佢o地越有古惑 >_< 講開學校o既o野, 媽咪而家正在煩惱俾我o係暑假時學o的咩o野 Daddy 就話是坦啦, 最緊要我開心 ... 我都知, 不過你唔決定我又未試過, 又點知開唔開心 bor ~~ :( 而家媽咪暫時定會帶我去學游水, 同埋考慮緊上唔上體操堂 .... 除止之外, 學術上緊課o既課外活動有公文式同埋 Phonic 班, 玩o既活動就係去大姨到o既畫班 Wooo ~~~ 好忙 ~~~~ =X |
8 April 2008 - 7 May 2008 | |
使用器材 : |
|
Daddy 換o左新玩具 - Nikon D3 ... o個晚就捉o左我出去試o既玩具, 同埋捉我去做 model ... =__= 新玩具影到我好高 ... 拉長晒個人 ... haa ... 大o左幾歲咁 ~ XD 表弟張僖晉塊面又漲又實 ... 好鬼得意o架 ... 仲肥 do do 過 BB 時o既我 ... :O 我呢個月去o左試放飛箏 ... 不過好難呀 ... 冇一次可以成功放上天空 不過拖住隻風箏四圍跑都好開心 ... ^o^/ 玩完風箏仲租o左架家庭單車玩, 當然係 Daddy 負責做車頭踏單車o個個啦 見佢就辛苦囉 ... 踏o左唔夠 15min 就全身濕晒 ... =X 而家我第一次去運動日o個日就有少少雨, 本來都諗住要全日o係室內o架 冇幾耐就停雨, 所以最後都係出番室外玩 ...... 不過呢, 都係室內有冷氣舒服o的 ... 呵 ... :) |
9 March 2008 - 7 April 2008 | |
使用器材 :
SonyEricsson W810i |
|
旅行番o黎香港後o既我仲係好開心 我唔單止講o野有紋有路o左 ... 講o既o野仲多o左好多o添呀 ... ^o^ 「衍丞係麵包超人、媽咪係蜜瓜包、Daddy 係細菌人」... 媽咪 Daddy 有時真係俾我講o的o野笑爆佢o地咀o架 ~~~ XDDD 識講o左o野後, 我就緊係又多野問啦 ... 嘿嘿 牙尖尖, 多口仔 ... 似媽咪同 Daddy 嘛 ... 呵 |
28 February 2008 - 8 March 2008 - Hawaii + Japan の 旅 | |
使用器材 : Fujifilm FinePix Z1 |
|
呢次激囉 ... 雖然呢次係我第二次搭飛機, 我可以咁細個人仔就可以去 Hawaii 同 日本旅行 ... ^o^/ 肯定羨慕死o的同學仔 ... 呵 ... (聽講連 Daddy 都好羨慕我咁細個就有得去旅行, 佢當年冇得去旅行云云 :P) 呢次先同媽咪兩母子去 Hawaii 匯合一早已經到o左 Hawaii 開會o既 Daddy ... Hawaii o既行程大致係o係 Big Island 留多幾日去睇o下火山 relax 後, 再坐飛機去 Honolulu 玩多兩日 我o係 Honolulu 就威威囉 ... 唔洗抱抱就自己可以行上 Diamond Head o既山頂 ... 我都覺得自己好勁 ~~~ ^^ 不過我一落沙灘就好似落o左釘o係沙咁, 郁都唔郁 ... 呢方面真係要改善o下 *o* 去到日本, Daddy 同媽咪基本上都係做領隊帶我四圍玩 ... 正宗日本兒童團 ... 呵 我o地去過麵包超人館, 八景島, Disney Seaworld, 上野公園動物園 等 ... 佢o地都冇 shopping ... 淨係陪我 .... Daddy、媽咪 真係好 ~~~ =D |
8 February 2008 - 27 February 2008 | |
使用器材 :
|
|
第三年過農曆年了 ... 上年個市個旺, 但係今年利是竟然比上年少 ... =O 可能係因為媽咪冇番工, 令我豆少o左好多利是啦 ... 我個老婆本大計有少o左o的 budget 啦 ... 唉 ~~~ >0< 今年除o左見到由新加坡番香港o既 Eric 外, 仲去o左 Daddy 個好朋友 Sunny 叔叔到團拜, 到場有兩位小美人等得呢 ... 呵 ~~~ =D 呢次行程收獲豐富呀 ... 除o左收到一堆利是幫補o下外 仲可以同兩位小美人一齊影相 ... ^O^ 臨影相時緊係要發揮我未來公子哥兒o既本色 ... 即場氹掂 Sunny 叔叔o既寶貝囡囡 ... 你睇o下我上面張相 ... 我幾咁爽呀 ... 嘿嘿 ~~~ XDDD 過o左新年冇耐, 我又升級囉 ... 因為大姨個仔仔出世 ... 我又升為大表哥 ... ^o^/ 連續兩個月都有升級 ~~~ =D |
8 January 2008 - 7 February 2008 | |
使用器材 :
|
|
平日見 衍丞 都係皺晒眉睇電視, 媽咪 就有日帶o左佢去驗眼 一驗就發現有成二百幾度散光, 都咪話唔勁 ... (近視o個o的都仲係好淺, 不過同老豆一樣有o的懶眼症) 唔怪得成日睇o野都皺晒眉啦 為o左唔好令佢皺眉睇o野成為習慣, 我o地都配眼鏡俾佢 衍丞 馬上成為家族年紀最細戴眼鏡o既人囉 ... 呵 XD 另外, 衍丞 個大伯個仔仔終於o係農曆年前出o左世囉 ... ^o^/ 衍丞 亦由最細o既成員變成為大哥哥了 ... 見到小弟弟 "陳波波" ... 又諗起 衍丞 又係初生時個時候 ~~~ ^^ |
8 December 2007 - 7 January 2008 | |
使用器材 :
|
|
第一次出席 衍丞 o既 "舞台" 表演 一班一班咁出場表演, 等呀, 等呀 ... 總於等到 衍丞 o個班出現 起初聽 媽咪 講 衍丞 會表現氹氹轉 ... 不過又係等o下等o下都未見 ... o係最後, 終於見到佢拎住草球 fing fing o下出o黎謝幕 ... 全場出場唔夠 2min ... =X 聖誕假期間去o左澳門一日來回 亦係第一次 衍丞 去澳門 ... 佢行到累就要抱, 結果最勀就係老豆 ... ~__~ |
8 November 2007 - 7 December 2007 | |
使用器材 :
|
|
衍丞 講o野多o左同有紋有路o左 ... 有時俾佢吹漲o添 ~
:X 個案一: 一日媽咪問衍丞 ... "同你莎光頭好唔好?" ... 衍丞答 "媽咪, 唔好啦, 我想有頭髮" 個案二: 媽咪唔覺意責住o左衍丞個枕頭仔, 衍丞對媽咪講 "呢個枕枕係衍丞, 你訓o個個, 你講 sorry 啦 .." 衍丞 亦主動搵媽咪有咩幫手做家務 ... 又用吸塵機吸塵, 又幫手發雞蛋 ... 好似好大個仔咁 ... 希望佢繼續 keep 住幫手做家務同越做越多, 咁就唔洗要老豆去做家務囉 ... XDD o係自理方面亦進步o左 ... 呢個月真係可以自己開大大了 想開大開小亦會主動叫爹地媽咪 ... :D 夜晚亦冇乜濕到條片了 ... =D |
8 October 2007 - 7 November 2007 | |
使用器材 :
|
|
番o左學都兩個幾月, 似乎 衍丞 好似乖o左少少, 最起碼行街時比之前少o左好多 fing 甩老豆同埋媽咪o既手, 另外, 亦少o左o係街、商場亂咁跑 ... 講o野方面, 雖然唔會好不停咁問東問西, 但係有時會好失驚無神咁一句好完整、好有意思o既說話講出o黎 ... 都好驚喜o下 ~ ^_^ 例如十一月初媽咪生病了, 媽咪同 「衍丞講 : 媽咪病o左唔舒服, 衍丞要乖乖」 衍丞 「就講 : 媽咪病o左睇醫生, 要打針針會好痛, 要鍚錫」 有紋有路, 真係開心到爆 ~ :D |
8 September 2007 - 7 October 2007 | |
使用器材 :
|
|
今個月去o左美國有成個星期咁耐, 可能耐冇見到 衍丞 番到香港後, 覺得 衍丞 講o野好似好明顯咁好o左 ... 有一句句o既完整句子講出口 ... (^O^)/ 不過都係間中有o的 BB 話, 似乎仲未戒甩 ~_~ 另外聽 Master 講番佢同學校其他家長o既談話, 似乎 衍丞 o係記性上面真係好唔錯 同年紀o既同學仔只係識幾個英文字, 或者只識幾個中文字 但係 衍丞 已經識晒 A - Z .... 中文字都識睇, 識讀, 識寫十幾廿隻 ... 似乎佢本身都係聰明仔呢 ... hehe ~~~ :D |
8 August 2007 - 7 September 2007 | |
使用器材 :
|
|
衍丞 o係 8 月中正式番幼稚園o既 K1 囉 ... 佢學校件校服就真係女仔到爆, 成件紅色 ... orz 講番佢返學o既表現, 老師話 衍丞 都幾乖同埋都專心聽老師講課 不過 衍丞 o係學校排隊時, 試過被一位同學咬, 之後 衍丞 就推番o個位小朋友, 雖然老師冇講明咩原因 ... 不過都要諗o下點樣教 ... ~_~ 衍丞 近來好似曳o左 ... 好多時都唔聽媽咪話 ... 激到媽咪成日都好大聲咁鬧 ... =X |
8 July 2007 - 7 August 2007 | |
使用器材 :
|
|
月初帶o左 衍丞 去赤柱, 其中一個目的又係比俾行o下沙地 今次比上o個幾次行沙實習都快適應, 可以自己行去海邊 不過都係有少少驚驚o地 ... 距離o係沙灘四維玩仲有o的距離 ... =_= 呢個月係 衍丞 o既生日, 舊曆就係o係 8 月 4 日o個日 (農曆六月廿二), 新曆就係 8 月 8 日 不過我 8 月 8 日就要飛去九寨溝開會 ... 所以今年 衍丞 o既生日會就提前o左攪 不經不覺就 3 年囉 ... 真係好快 ... 尋日仲好似出成冇耐咁 ... 時間真係快 :O |
8 June 2007 - 7 July 2007 | |
使用器材 :
|
|
呢個月去o左了解同年小朋o既學習進度, 參加o左個 course 可能去到會場o既家長, 佢o地o既子女大部都有學習上較慢o既進度o既情況 所以相對o黎講 衍丞 問題係好小事, 媽媽基本上都放下心頭大石 ... :P 不過, 我o地都認為 衍丞 o既集中力、接受指示同埋社交o既能力都未夠好 所以都會打算o黎緊幫佢報o的 courses, 希望 improve o下 ~ ^^ |
8 May 2007 - 7 June 2007 | |
使用器材 :
|
|
呢個月中 衍丞 爸爸媽媽去o左歐洲旅行, 番o黎覺得 丞衍 講o野明顯進步o左好多 已經每次都會識表達自己o既要求, 仲開始係一句完整o既短句子, 發音方面都準o左好多, BB 話由以前約有 6-7 成, 到而家o既 3-4 成 only ... 起碼都大概知 衍丞 想要咩了 :) 講番o係母親節o個日, 去o左愛民村同太婆o係酒樓食飯, 間酒樓有歌手表演, 當時有個 C9 歌手邀請o的食客上台為母親唱歌時, 衍丞 突然間跑出去, 爸媽都捉唔切 衍丞, 佢已經上o左台, 俾個 C9 歌手一手抱起後 C9 歌手問小朋友有咩想同媽咪講呀 ... 衍丞 就好似真係聽得明佢問咩咁 ... 講o左話 ... 「媽咪 I love you」... 嘩 ~~~ 媽媽即場 lump 晒 ... :D 有時, 真係估佢唔到 ... haaaa .... 但係..... 幾時講 ... 「Dady, I love you 呀 ~~~ ^3^ 」 |
8 April 2007 - 7 May 2007 | |
使用器材 :
|
|
衍丞 一向都怕企o係唔熟識地型, 為o左令佢唔可以咁驚, 先幫佢著襪仔o係沙灘坐o係沙灘蓆到玩o下沙, 之後慢慢引佢企o係沙到, 一步一步令佢行 幾經辛苦, 終於 衍丞 夠膽o係沙灘上面行 ... o係呢方面似乎要帶佢去多o的陌生地方去體驗o下 o下o下咁驚唔係辦法 ... @.@ o係玩方面就進步o左, 例如會四圍爬上爬落, e.g. 爬繩網, 仲玩得好 high o添 亦開始唔係用手玩波, 開始識踢o下波咁, 雖然係亂踢 ... XDDD |
8 March 2007 - 7 April 2007 | |
使用器材 :
|
|
越o黎越似番個大個仔o既 衍丞, 越o黎越識表達自己o既要求 「落地地」、「聽歌歌」「好 / 唔好」、等等都識 .... 而家都要 衍丞 要講出要求先俾佢要o既o野佢 ... 似乎效果唔錯 ... 希望佢進步越來越快啦 最攪o野o係一次所就讀o既幼兒園有 play day ... 當日其中一個節目係要小朋友答問題 正諗緊如果抽中 衍丞 的話, 佢會唔會識答時, 佢就o岩o岩被抽中出去答問題 主持問 衍丞 : 「如果有個婆婆跌o左o的橙落地, 你會唔會幫手執呀 ?」 我仲諗緊 衍丞 可能連問題都未明又點會識答, 衍丞 就好快咁答 : 「會會會」!! 雖然呢次係好簡單o既對答, 但係對我o地o黎講. .. 呢個係衍丞o既一個好大o既進步 ~~~ Yeah ~~~ \^o^/ 不過有時 衍丞 都唔知點解會發皮四 .... 始終未完全識表達清楚自己想點啦 ... ~_~ |
8 February 2007 - 7 March 2007 | |
使用器材 :
Canon SpeedLite 580EX (Benny) |
|
衍丞 o係今個月講o野多o左好多 ... 雖然都講得唔正, 不過都係一個好開始, 起碼開始識表達自己了 而家仲間中o係到唱歌, 雖然又係唱得字都係一樣唔正, 不過o的音同拍子係正確 ... 有時估佢唱咩, 就好似玩掌門人o既估歌仔咁 ... XDDD 好多時媽媽都會要 衍丞 向人打招呼, 而家好有時都會主動打招呼, 雖然 eye contact 都仲係少, 但叫做開始吧 ... :) 衍丞 亦對比較少見o既親人, 亦開始會叫佢o地了 ... 當然, 佢o既附項 - kiss ... 當然冇問題啦 :D 對爸爸o既我o黎講, 最開心o既當然係 衍丞 多o左跟我, 由以前拖手會被佢甩開手, 到而家基本上唔會甩我手, 而係可以拖住手行街 ... 開心晒 ... 呵 |
8 January 2007 - 7 February 2007 | |
使用器材 : |
|
轉校o既事, 比想像中順利 ... 可能校方都知道自己老師o既問題吧 ~
?_? 雖然媽媽好快就會辭工, 為o左湊 衍丞 方便o的, 所以新o既幼兒園就報了大姨任教o既幼兒、幼稚園 媽媽仲要番工時, 就 ~8am 放 衍丞 去幼兒園, 6pm 到湊番屋企 ... 應該都要辛苦個幾月呢 ... 其間 衍丞 會住屋企 .... 呵 ~~~ 終於每日放工都見到 衍丞 了 ~~~ ^o^ 除o左學校方面外, o係再三檢討下, 發覺另一個令 衍丞 人際學習上有問題o既原因 ... 可能就是俾佢睇太多教學 video 了 令到佢只係接收, 無需要有語言、eye contact、人際間o既交流 ... =X 所以決定以後大幅減少 衍丞 睇呢o的教學 video o既時間 ... 媽媽爸爸放更多時間同 衍丞 溝通 新學校o既教學放式更加互動及 close to 學生 ... 衍丞 明顯比o係舊校時進步更多、更有規矩得多 加上o係屋企媽媽放好多時間同 衍丞 溝通 ... (爸爸係就係放多o左時間, 不過都仲係唔算好多啊 -.-) 衍丞 呢個月o既進步係前所未有的 ... 講o野越來越有紋有路同有意識了 亦開始為o左自己想要某o的o野, 而去用講得唔清唔楚o既說話同埋身體語言去表達佢o既要求 媽媽終於放低心頭大石了 ! :D |
8 December 2006 - 7 January 2007 | |
使用器材 : |
|
衍丞 o既大伯終於結婚了 !!! 衍丞兩歲幾囉 ... 呢個大伯先結婚 ... ~_~ 快o的俾番上兩年o既利是 ... 呵 ~~ ^o^ 呢個月 衍丞 大姨去觀察過佢o既學校生活 ... 似乎個 Miss (定唔知係咪間幼兒園) o既教學方法有問題 ... 令 衍丞 o既人際學習上冇特別顯著o既進步 ... 令媽媽非常擔心 :-( 經過多番討論後, 決定為 衍丞 轉校 ... 同埋, 另一個更大o既決定 ... 就係媽媽為o左 衍丞 o既發展 ... 決定提早做全職媽媽 ... |
8 November 2006 - 7 December 2006 | |
使用器材 : |
|
小朋友一病, 係咪要好耐先好番o既呢?
衍丞今個月小傷風後, 有鼻涕都成個月, 睇o左兩三次醫生都係咁上下 ... 可能會唔會因為呢排天氣凍, 但係 衍丞 訓覺成日好似 "打關斗" 成床飛 攪到成日都冇被蓋呢? ... >_< 睇o黎要諗諗計先得 ~_~ |
8 October 2006 - 7 November 2006 | |
使用器材 : |
|
衍丞 番o左學半個月到, 講o野進步o左 ... 雖然仲係唔係好講得o野 ... 但起碼聽得明講o既單詞已經多o左唔少 ... 總算令一家人都安心好多 ... : ) 番學另一樣改善o既係乖o左o的 ... 比起未番學前, 而家會 fing 甩大人手要自己行o既次數低於以前好多o下 亦比較肯跟番 衍丞 佢熟o既大人 ... (起碼肯跟 AC爸 囉 ... 呵) 不過佢唔熟o既大人如嫲嫲仲係唔肯就範 ... 不過抱上手後一陣又會定番落o黎 ... 都好過以前囉 ... ^3^ 今個月幫 衍丞 搵出年讀o既幼稚園, 以前被老師叫家長o黎見家長就多 呢次第一次以家長身份出現學校 ... 感覺都係怪怪咁 ... 嘿嘿 ^_^ |
8 September 2006 - 7 October 2006 | |
使用器材 : |
|
呢個月 衍丞 進入另一個階段 ─ 就係番學啦 ~ =) 雖然只係番幼兒園, 但係第一次真正離開家人一個 聽老師講 衍丞 都冇咩喊同摟計, 都算係咁了 ... ^_* 呢個月 衍丞 第一次發高燒, 小AC爸媽 都好緊張 ... 馬上送去醫院睇醫生 慶幸只係一般發燒 ... 第二日就退燒了 ... 緊張到媽媽飛起 ~ =X 小AC媽媽 個堂細佬 Martin 由日本送o左套麵包超人衫過o黎 ... 好過癮 ... haa ~~~ XDDD |
8 August 2006 - 7 September 2006 (兩歲生日會) | |
使用器材 : |
|
兩歲了! 衍丞 眨o下眼就兩歲了! 時間過得好快啊 ~ 快到好似尋日先出世咁 ... 呵 ... XD 呢兩年真係好開心 ... 見住佢一日一日長大, 真係好大感覺 ... Yooo ~~~ 除o左 衍丞 呢個月生日外, 呢個月可以用雙囍臨門o黎形容 ~ 因為今個月亦係新居入伙 ... ^_^ 本來舊居好滿意, 但係為o左 衍丞 o黎緊有更好o既生活空間, 同埋更大o既地方走動, 因此搬去比舊居大 50% o既新居所 新居入伙後馬上為 衍丞 補辦兩歲生日會 ... 不過呢 ... 到今日呢個老豆仲唔識買禮物俾個仔呢 ... @_@ |
8 July 2006 - 7 August 2006 | |
使用器材
:
|
|
呢個月好忙呀! 要搬離住o左近五年o既第一個物業 為o左 衍丞 有個好o的o既家居, 會搬去大o的o既單位 ... (好甘 ... x_x) 新居裝修期間, 就住著 小AC媽媽 外家先 ... 貪佢日日都可以見住 衍丞 啊 ~~~ 呵 衍丞 而家咁大個仔 ... 近兩歲囉 ... Overall 都幾好, 幾健康 ... 係講o野同埋戒片上就渣豆o左o的 ... 要 improve !! |
8 June 2006 - 7 July 2006 | |
使用器材 : |
|
衍丞 同其他小朋友一樣, 一去到公園落地就好喜歡跑 ... 可以o係陽光下, 不停的跑 ... 好膽心佢再大o的要同佢去玩時 ... 我自己頂唔順 ... =X 雖然 衍丞 喜歡跑, 但係一般行街就相反 係唔夠兩步就要抱 ... 雖然話佢抱住對腳 un un o下好可愛好想抱佢 不過咁樣唔掂呀 ... 成日要抱, 一來手軟, 二來又種壞晒 ... 但係又咁, 有時行街唔想去四圍奔跑又唔想推車仔時 ... 抱住佢的確係一個辦法 ... 唔 ~~~ 要調節o下先 ... =_+ |
8 May 2006 - 7 June 2006 | |
使用器材
: |
|
唉呀 ~ 可能我比較少抽到時間旁 衍丞, 而家佢有得揀之下,
係唔俾我拖佢行街 次次都 fing 甩我隻手拖媽媽 ... 鳴鳴 ~~~ 要諗諗計先 ... =.= 而家呢, 衍丞 越o黎越曳 ... =X 一唔開心就有o的發皮四 ... 坐低就喊 唔知係咪錫佢o既長輩太過種佢 ... 要管管 ... =| |
8 April 2006 - 7 May 2006 | |
使用器材 : |
|
上個月都講過, 衍丞 每次去到公園遊樂場都好似失控咁四圍跑, o係滑梯到爬上爬落 ... 小朋友就係有用唔完o既精力, 我冇晒氣佢仲o係到跑 ... 呵 相反, 第二次去海灘o既 衍丞, 竟然郁都唔敢郁 ... 唔係淨坐就係淨企 同佢o係公園玩o既表現完全唔同 ... 似乎要帶佢去海灘多幾次 train o下佢 ~ XD 呢個月, 衍丞 開始自己玩 "碌lane" ... o係美國冒險樂園到自己推個波出去條 lane 到 ... 次次碌個波出去後都拍手掌仔, 好似好好玩咁 ... =) 之後o係 Club House 玩具保齡球, 個姿勢好攪笑 ... ha 衍丞媽媽幫 衍丞 攪個回港證, o係相鋪影o個張相又幾靚仔o下 ... 四萬咁o既口 ~~~ |
8 March 2006 - 7 April 2006 | |
使用器材
: |
|
表情豐富o既 衍丞 ... 睇敵視你時o既表情真係笑爆咀 ... 又跟住扮動物叫聲, 又手舞足蹈咁 ... 好得意 ~ :D 唔知係咪男仔所以好活躍, 次次去公園玩都好似失控咁飛奔 見佢咁有活力, 都好開心 呢個月 小AC老豆 去o左出 trip 近兩個星期 ... (所以今次比較少相 ~ :P) o係番邦有時上番網睇番 衍丞 o既相, 睇睇o下都會心微笑起o黎 ... 做人父親o既自己, 終於明白父母掛住仔女o既感覺 ... ~_~ |
8 February 2006 - 7 March 2006 | |
使用器材 : |
|
牙牙學語, 正係而家 衍丞 o既最好形容詞 ... =D 有時佢會對住你好似講o野咁, 講一堆好似組織過o既說話俾你聽 ... 當然, 我o地係唔知佢o翕乜 ~ @.@ 但係見到開始有咁o既現像, 都好開心o架 ... haa ... :D 對於某o的物件o既單詞, 雖然識o既唔係好多 ... 但係都認到叫到 ... 最喜歡五音不全咁講o既係 ... 波波、蛋、車車、媽媽 ... 好少先叫爸爸 ... =.= .... 不過有次 小AC媽媽叫 衍丞 叫嗲o地 ... 衍丞 好清晰咁叫o左一聲嗲o地 ... 真係開心到爆 !! '敵視你' 套 World of English 真係有佢賺錢o既本事, 衍丞 經常拖住爸媽去 DVD 機前指指 DVD 機又指指電視叫你播俾佢睇 ~ :P 而家甚至跟住隻 Play Along! o黎玩, 又跳又轉又指手指腳 ... 好開心o個隻 衍丞 o係接受完全冇帶/教佢點睇呢套碟o既情況下, 竟然可以自動上心, 仲學埋o添 ... =O 有次見到雀仔 ... 仲識叫 .... 'Bird' .... 真係唔係親身睇住都唔信 ~ =X |
8 January 2006 - 7 February 2006 | |
使用器材
: |
|
呢個月 衍丞 識得捉你隻手, 帶你去佢要你幫佢手o既地方到要求你幫佢攪o的o野 !! ... 最多o既, 就係捉你手去 DVD 機前, 指住個 DVD 點頭, 要你播 Disney World of English 俾佢睇 ~ XD 而家播碟俾佢睇, 佢會好乖咁坐o係到睇, 見到好笑又識笑 ... 笑到開心又會拍o下掌 見到佢由初初睇碟唔夠 30 sec 就走開, 到而家要求你播俾佢睇, 又有好好o既反應 ... 進步真係唔錯呀 ~ 呵 為o左今年o既農曆新年, 之前外公特別用o左好耐時間教識o左 衍丞 "請請" 豆利是 ... 未到年初一之前o個幾日都好熟練咁 "請請" ... 到正式拜年就反而時得時唔得 ... 真係俾佢吹鬼漲 ~ XDDD 為o左令 衍丞 學刷牙, 教緊佢將個牙刷放o係口到, 自己就 E 開o個八隻牙仔 ... 扮o下刷牙, 感受o下 ... 佢就o係到滋滋聲咁 ... 好得意 .... 咦e ~ 原來 衍丞 眨o下眼, 已經歲半了 ~ ^o^ |
8 December 2005 - 7 January 2006 | |
使用器材 : |
|
好鍾意玩波波池o既 衍丞, 今個月俾o左個私家波波池佢 ... 成幾十個波波, 佢竟然可以o係其中搵到三個o係其他玩具放埋落去o既波波 而 衍丞 好似對呢三個波波情有獨鍾, 次次入去波波池都會搵呢三個波波 ~ haa 第一次帶 衍丞 去 Disney (其實我都係第一次去 ~ 呵), 完全明白點解o的細路仔咁鍾意呢到 只有歲幾o既 衍丞 落o左車後就好似脫韁野馬咁開心到失控 ~ =O 都未離開 Disney 已經累到訓o左 ... z_z 又係第一次, 今次係去姑媽工作o既幼稚園到玩 ... 好明顯, 衍丞 係唔需要時間o黎習慣呢個陌生地方, 又係玩到好 high 都好, 唔洗擔心 衍丞 正式番學時會唔會驚同怕羞 .... ha |
8 November 2005 - 7 December 2005 | |
使用器材 : |
|
衍丞 越係大個仔, 就越係識縷計 ... @_@ 開始識揀o野o黎食 ... 媽媽又有時心軟俾 衍丞 o既 '咸功' 攪掂 ... 俾 衍丞 佢鍾意食o既o野 ... 開始有o的 'kick' 手 ~ =X 雖然 overall 衍丞 都唔算好曳 ... 但係始終都唔好有機會得逞 ~~ 嘿 o係街到成日想甩開爸爸媽媽手自己四處跑, 有時佢想甩開你手行另外一個方向, 要同佢對持一陣, 唔俾佢甩開 ... 衍丞 先會屈服跟你行 ~~ XD |
8 October 2005 - 7 November 2005 | |
使用器材
: |
|
衍丞 似乎對部電腦好有興趣 ........ (其實對 keyboard 同 mouse 好似更有興趣 ~ =O) 佢次次o係屋企都會走入書房, 行到電腦面前攪個 keyboard 同 mouse ... 睇到自己個樣o係 monitor 時又會手指指、吱吱浸浸 .... 好鬼得意 ~~~ :D 有次入書房, 衍丞 用佢o既左手拎起我放o係 mouse o既手 .... 之後放佢隻右手上去 ... 真係俾佢吹漲 ~ 哈 不過日為o左 衍丞 安全同埋唔好阻到 AC爸爸 工作 ... 結果係買o左個閘裝o係書房門口 ... 從此 衍丞 就入唔到書房囉 ~~~ :P |
8 September 2005 - 7 October 2005 | |
使用器材
: |
|
衍丞 越識行, 就越大膽 ... 行街時係會想甩開你隻手, 自己四圍跑 當然, o岩o岩開始俾佢行, 就一定唔會俾佢甩開隻手啦 ... 所以有時行行o下, 衍丞 會同我o地好似扯大攬咁 ... 希望扯甩捉住佢o既手 ~ =X 結果係扯一陣知道扯唔甩又會繼續行番 ~ :P 有時 衍丞 行大陣後 ... 會走o係你面前停o係到 第一次都冇馬上知佢想點 ... 原來佢要你抱佢呢 ~~~ XD 冇人教佢, 咁佢都識 ... 呵 ~~~ ^o^ |
9 August 2005 - 7 September 2005 | |
使用器材
: |
|
衍丞 ~ 大地の始動 !! 由 衍丞 自己識企o係身 (5 月份) 到識行 ... 呢三個月時間, 真係睇住佢進步 ... 見佢識行o既第一步 ... 都咪話唔感動 ~~~ ^o^ 呢個月 衍丞 識自己起身行路之後帶o黎o既問題係 要更留心佢o既行動 ... 怕佢行唔穩撞襯 ~~~ :O 到八月尾、九月初時, 唔知佢剛識行咁一步步行 而家行得好快o下 ... 好似急步走咁 ... 睇見都有o的牙煙咁 ... ~_~ |
6 August 2005 - 8 August 2005 (一歲生日會 x 3) | |
使用器材 : |
|
8月8日 係 衍丞 o既一歲生日 ... !! Katy媽媽就非常緊張同興奮 ... 一連三日幫 衍丞 攪o左三個生日 party ~ XD 8月6日 ... Katy媽媽o既堂兄弟娣妹為主 8月7日 ... Katy媽媽o既同學 + 佢o地小朋友為主(o個日成 3 個小朋友o黎o左) ... + AC爸爸 舊同事幾個 8月8日 ... AC爸爸 及 Katy媽媽 o既家長親戚飯局 真係強呀 ~~~~ XDDD |
8 July 2005 - 5 August 2005 | |
使用器材
: |
|
衍丞開始好鍾意扶住o的物件企o係身, 而起身o既時間亦一次比一次純熟同快 ... 就係因為識企o係身 ... 佢接觸o既事物亦大幅增加 ... 相對百厭攪呢樣攪o個樣o既程度亦大幅增加 ... 直係睇少陣都唔得 ... 一來驚佢攪到o的o野跌落o黎, 整襯佢 二來佢仲未企得好穩 ... 有時都會企唔穩跌番落地 好彩係佢有個 "私人cushion" ... 咁樣都應該唔會點傷 ~ XD 呢個月o既 mission 係教曉 衍丞 行路 成績就一般啦 ... 都唔係太行到 ... 呵 |
8 June 2005 - 7 July 2005 | |
使用器材
: |
|
原來呢個月係父親節, 自己真係冇乜為意 小AC媽媽 捉o左 小AC 對腳仔o黎印o左個父親節卡 自己就從來都未送過父親節卡, 但呢次第一次收卡 ... 真係好開心 ... 呵 ... o係端午節o個日, 帶o左 衍丞 去海灘, 俾佢浸o下龍舟水 - 正宗處男下海 .... ^o^ 衍丞 一落水就喊到飛起 ... 可能係未試過唔係熱水o既水溫 (沖涼時只會用熱水) 不過一陣間就冇喊同埋玩水玩得好開心 ... 去o左兩次 BB 爬行大賽 ... 每次 衍丞 都比旁邊參加比賽o既家長帶o黎o既o野吸引 次次都爬到一半停o係到望住人 ... 真係吹鬼漲 ... 結果就緊係輸啦 ... :P 另 ... 今個月開始俾 衍丞 習慣o下用 "便便罐" ... 佢每次 "完事" 後, 都會望望 "便便罐" 有o的咩o係到 ... HAAA ~~~ XD |
8 May 2005 - 7 June 2005 | |
使用器材
: |
|
衍丞 開始識自己企o係身 ... 以前要有人扶先起到身, 呢個月, 自己已經識扶住身邊o既o野就一o野起到身 就係因為識自己起身 ... 而家 衍丞 週圍企o係身攪呢樣攪o個樣 ... 真係花更多神去睇住佢 ~ :O 小AC媽媽 o既朋友今個月o黎探 衍丞 ... 仲帶埋比 衍丞 細 5 個月o既仔仔o黎 之前我已經覺得 衍丞 都幾大份 ... 不過一山還有一山高 "方包祥" 比 衍丞 大件得多囉 ... 真係強呀 ~~~ XDDD |
8 April 2005 - 7 May 2005 | |
使用器材
: |
|
呢個月 衍丞 出牙仔了 !! 見到下方o既門牙位到見到兩條門邊 - 門牙頂 ... 出o左牙仔o既 衍丞 真係可愛都爆 ~ ~ ~ XD 呢個月中 (四月), 衍丞 患上o左感冒 ... >_< 前前後後睇o左都 4、5 次醫生, 食藥都食到 "牛" 晒 ... 唔舒服到連黑眼圈都出埋 ... 嗚 ~ ~ ~ : ( 真係肉都赤埋 ... 可以揀, 我病好過佢病 ... =O 到五月初病情好轉時, 食o左少少燕窩粥, 點知又中招, 今次係蛋白質敏感 ... @o@ 雖然醫生話個幾星期就會冇事同會散 ... 但係都心痛死 ~ =X |
8 March 2005 - 7 April 2005 | |
使用器材
: |
|
呢個月 衍丞 好似面形瘦o左o的, 再細心睇o下, 原來 衍丞 長高o左唔少 ... :D 睇o黎佢可能唔止佢老豆咁高囉 ... 呵 但係佢大脾仲係好多肉 ~ ~ ~ ^o^ 今個月開始o的起 衍丞 模擬o下用雙腳行路 佢又出奇到合作, 都叫做 "行起o黎" 都似模似樣 而原來好多小朋友呢段時間都唔係好敢 "腳踏實地" 衍丞 又乖乖咁, 似乎佢可能識行先, 快過識爬囉 另外, 衍丞 似乎就o黎出牙仔, 經常都食手仔 同埋牙肉下, 都見到o的白白o地、似乎係門牙仔o既牙囉 ~ ~ ~ :D |
8 February 2005 - 7 March 2005 | |
使用器材
: |
|
年年都係派利是, 今年終於可以同埋 衍丞 第一次豆利是 ... 呵 ~~~ !! 衍丞仔第一年去拜年, 去晒 小AC媽媽 o既親戚到拜年 ... 連埋老豆呢面o既親戚, 似乎可以肯定 衍丞 係呢個 generation 唯一o既一位 B 仔 ... 難怪萬千寵愛在一身啦 ... :D 最後, 今年第一年豆利是埋單, 淨係 衍丞 都有成五千蚊利是錢 ... 衍丞 真係一個 富貴B ~~ XD 基本上 衍丞 已經可以穩陣咁坐o係到 ... 而家希望佢盡怏學識四圍爬就更好玩囉 ... |
8 January 2005 - 7 February 2005 | |
使用器材
: |
|
初時要衍丞坐o係到, 頂多只維持到幾秒就撻番低, 經過 小AC媽咪 同埋 公公婆婆 努力 training 下, 而家都叫做可以做得穩好多 雖然唔係完全可以坐o係到, 但係最少唔四圍拎時可以坐o係到一兩分鐘 ~ : ) 食魚肉粥仔、食蘋果蓉、食香蕉蓉 ... 衍丞都開始習慣食非奶o既食物囉 有時佢可以一次食小半碗 ... 一啖啖咁餵佢時真係好開心 ~ hee ~~~ ^o^ 呢個月初衍丞多o左張專用凳 ... 張凳可以拎 小AC 坐得都好穩o下 小AC 連同張凳o既相片一上網, 就有好多位網友都問我呢張凳o係邊到買 ... 呵 |
8 December 2004 - 7 January 2005 | |
使用器材
: |
|
衍丞初次食粥仔, 第一次食時 lamp 兩o下就停o下停o下, 小AC媽咪 好有心機慢慢餵先食o左o的o的 ... 呵 不過對衍丞來講, 係真正o既初體驗囉 ~ :D 今年的元誕好特別, 特別在家中多了 小AC ... ^o^ 回想舊年 小AC 仲o係係 小AC媽咪 肚入面, 時間真係過得快 ... 祝衍丞今年 2005 年健健康康、開開心心 ~ ^_^ |
8 November 2004 - 7 December 2004 | |
使用器材
: |
|
衍丞o黎越喜歡翻身, 經常換片時就想翻身, 真係睇少眼都唔得 ~ 呵 ~ XD 呢個月買o左個水泡俾佢做玩具, o係佢私人 "泳池" 暢泳, 好盞鬼! 第一次 "游水" 時, 都有少少唔習慣, 但係第二、三次游水時, 佢就顯得好興奮, 哈 衍丞開始有力自己拎起奶樽, 雖然唔穩同拎唔耐, 但係見到佢有咁o既進步真係好開心 ~ ^_^ |
17 October - 7 November 2004 | |
使用器材
: |
|
小AC媽咪 放完產假要上班了, 所以衍丞在 weekday 時要交由外婆湊 ... 坦白講, 衍丞不在家的日子中, 個心總係掛住佢 ... 而家 小AC媽咪 放工總會回外家看一看仔仔 但o係未決定會否請工人之前, 衍丞住在外婆家是暫時唯一的方法 而家衍丞喜歡別人直身抱佢, 好似 BB 咁橫身抱有時候會扭計 ~ XD |
10 - 16 October 2004 | |
使用器材
: |
|
帶衍丞出街街, 最頭痛的是, 帶 車仔 定係用 BB帶? 車仔就舒服不過就唔方便, BB帶就方便但係就要孭住 ... +_+ 似乎我o地用車仔居多 ... 16 號係媽咪o既生日, 但係結果好似衍丞o既生日咁 ~ 哈 ~ |
3 - 9 October 2004 | |
使用器材
: |
|
衍丞滿三個月了! 呢個星期開始, 衍丞明顯開始認得他身邊的人! 有時候, 媽媽在遠處, 衍丞已經眼仔碌碌的望到定一定 ~ :D 有時侯, 甚至見到爸媽就會笑笑口, 真係俾佢 (乙水) 到冧晒 ~ ^o^ 新換o既奶嘴, 似乎唔係咁o岩衍丞o既嘴形, 經常都食食o下跌番出o黎 睇o黎舊o個兩個奶嘴要長用囉 ~ =_= |
26 September - 2 October 2004 | |
使用器材
: |
|
衍丞對鏡頭十分敏感, 基本上, 只要有鏡頭對住佢, 佢就會望住鏡頭, 甚至不自覺咁扮了招積 pose ~ XD ... 似乎有其父攝影興趣之遺傳 ~ 嘿嘿! 衍丞開始喜歡直身抱他, 抱著佢時, 頭仔仲會經常四圍望 ... : ) |
19 - 25 September 2004 | |
使用器材
: |
|
衍丞越來越多笑容了! 而且, 衍丞開始無意識o既聲音發出了! e e ar ar ... 好有趣! 衍丞兩個幾月大了, 但頭髮仍然不太多, 就咁睇, 有o的似大伯的光頭髮型 ~ 呵 ~ :D |
12 - 18 September 2004 | |
使用器材
: |
|
衍丞 第一次到太婆家, 亦係第一次見到太婆。 回家後, 嫲嫲一家人也來探望小寶寶 ... :D 媽媽很每天都為 衍丞, 他換上新衫, 天天新款 ... 天天新 look ~ XD 衍丞雖然可愛, 但經常扭抱 : 抱到佢訓著後打算放上床仔, 未放到床仔己經喊了 ... @_@ |
5 - 11 September 2004 | |
使用器材
: |
|
衍丞 滿月了!體重亦到標準的 10 lbs ... 第一次帶 衍丞 出家以外的地方拍照 (其實只是到樓下的商場 ~ :P) ... 可能是他剛好吃完奶才去吧, 初時 衍丞 都是打著嗑睡之下拍照, 呵 ~ =D |
29 August - 4 September 2004 | |
使用器材
: |
|
衍丞為我們帶來他的人生中第一個笑容! 雖然只是一個普通的笑容, 但是這比看周星馳的電影還要令新手爸媽的我們高興!開心, 是從心底裡發出來啊! 小AC 很喜歡咀郁郁 ... 除了飲奶奶外, 還經常的食手指 ... ^_^ |
22 - 28 August 2004 | |
使用器材
: |
|
小AC媽媽 第一次幫 小AC 洗白白! 這個第一次真的非比尋常! 雖然已經在華姐有教授過幫 小AC 洗白白時的技巧。 但到自己真正落手幫 小AC 洗白白時,仍然有點手忙腳亂,呵 ~ 加上 小AC 的身軀仍然有點軟,真擔心會弄傷他啊! |
15 - 21 August 2004 | |
使用器材
: |
|
小AC 終於都回家了! 小AC 的面黃症狀,最後都要在 "照燈" 下清除了,不照燈的話,真的不知 小AC 甚麼時候能回家了。 回家後的 小AC,令新手爸爸、新手媽媽忙個不停 ~ 呵 ... 到回家後的第二天,聘請來的陪月助理 ─ 華姐 也來了, 華姐不但可以幫忙日常的家務,可以令新手媽媽產後有更多休息外,更教懂了 小AC媽媽 很多育嬰的技巧。 |
8 - 14 August 2004 | |
使用器材
: |
|
二○○四年八月八日,我們的小寶寶在剛好足月的預產日出世了! 感謝上天對小寶寶不薄,小寶寶身體很好,身體也很壯健,剛出生的他有七磅二重呢! 想不到太太的小肚子裡能跑出一個大 BB 出來,呵 ~ ~ ~ 雖然 小AC 身體健康,但因為他有一般 BB 都常有的 "面黃” 症狀,他出生後的第一週也是在醫院渡過 ~ : ( 最後你們可能會問,小AC 叫甚麼名字? 對不起,小AC 還沒有改好名字呢 ... 哈! |
○ 另有 "每日" 更新的 ○
... More Albums to be added ...