以 下 文 章 收 錄 了 「 檔 案 八 十 一 」 至 「 檔 案 九 十 」。

檔案八十一：連 Intel 都知的黑店 回目錄

我 在 12 月 20 日 在 高 登 「 駿 Ｘ 」 買 了 一 顆 Pentium II 400MHz CPU 和 華 碩 P2B-F 主 板 。

回 家 裝 好 之 後  發 現 粒 CPU 竟 然 行 2.3Volt ( 註 ： 全 部 Pentium II CPU 都 應 行 2.0Volt 及 會 有 約 0.1Volt 的 偏 差 。 ) 我 再 嘗 試 將 它 行 112MHz 外 頻 x4 = 448MHz 。 本 來 幾 乎 所 有 Intel Pentium II 400MHz 都 應 至 少
行 到 450MHz ， 但 我 那 粒 竟 然 唔 得 。

我 以 為 底 板 壞 ， 12 月 21 日 拿 塊 P2B-F 去 漢 科 check ， 發 現 是 我 CPU 有 事 ， 唔 關 底 板 事 。 他 們 重 替 我 比 較 他 們 的 Pentium II 400MHz CPU 和 我 粒 CPU ： 發 現 了 我 粒 CPU 上 印 的 字 是 比 較 粗 糙 和 淺 色 。 我 於 是 再 拿 去 高 登 一 樓 9x-9x 的 「 駿 Ｘ 」 換 ， 他 們 不 假 思 索 便 收 回 CPU ， 推 說 今 天 沒 貨 ， 明 天 才 有 貨 。 其 間   又 要 我 由 4 點 等 到 7 點 。

12 月 22 日 我 再 去 「 駿 Ｘ 」， 他 們 又 要 我 等 ， 等 了 幾 個 鐘 才 給 我 另 一 粒 CPU 。 我 回 家 試 時 ， 那 粒 CPU 竟 然 行 2.4Volt ， 行 Windows 98 約 30 分 鐘 就 Hang 機 。 我 今 次 己 確 定 這 是 一 間 黑 店 。

12 月 23 日 我 拿 回 CPU 再 到 高 登 ， 我 說 不 要 再 換 ， 我 要 退 錢 ， 店 員 首 先 要 我 先 拿 CPU 去 給 他 們 Check ， 他 們 找 了 一 個 類 似 白 粉 佬 的 店 員 幫 我 試 ( 那 人 態 度 惡 劣 ， 語 帶 恐 嚇 ) ， 他 們 找 了 一 塊 沒 有 自 動 偵 測 電 壓 的 舊 底 ， 唔 用 我 的 P2B-F ， 我 己 知 他 們 在 耍 花 樣 ， 開 完 機 後 ， 那 人 說 明 明 開 到 機 ， 分 明 無 壞 。 那 人 想 嚇 我 ， 我 對 店 主 說 堅 決 要 退 錢 。 最 後 ， 他 們 說 只 可 退 九 成 ， 我 在 沒 有 辦 法 之 下 答 應 了 ， 但 他 們 又 推 說 要 辦 手 續 ， 明 天 才 可 退 錢 。

12 月 24 日 ， 我 又 再 去 找 他 們 ， 他 們 又 推 說 沒 有 錢 ， 又 發 我 脾 氣 ， 將 我 給 他 的 收 據 「 掉 」 到 台 上 。
我 在 沒 可 奈 何 下 又 等 了 幾 個 鐘 ， 他 們 可 能 怕 我 去 找 Intel 告 他 們 ， 終 於 退 回 $2500 給 我 ， 我 損 失 了 幾 百 元 之 餘 ， 又 沒 了 5 日 時 間 。

他 們 的 拿 手 招 是 ：

(1) 買 時 態 度 殷 勤
(2) 退 貨 時 要 人 勁 等 ( 令 你 自 己 覺 得 煩 )
(3) 退 貨 時 語 帶 恐 嚇 ( 令 你 自 己 驚 )
(4) 你 可 查 看 他 們 的 店 名 和 單 據 是 不 同 名 的 。 單 據 上 叫 駿 業 ( 可 能 是 為 逃 避 法 律 責 任 )
(5) 有 跟 假 的 Tech Pacific 保 用 證

我 已 向 Intel 舉 報 了 此 事 ， 由 Intel 得 知 原 來 呢 間 早 已 是 黑 店 。 而 還 有 很 多 top 字 頭 的 黑 店 。 大 家 買 CPU 時 可 打 電 話 同 Intel 查 一 o下 那 間 是 黑  店 ， 哪 間 是 有 信 用 的 。

希 望 大 家 在 知 道 我 中 招 的 經 驗 後  ， 可 以 小 心 區 別 黑 店 。

Jack wrote

1998年12月31日

檔案八十二：想你買就老吹完全兼容 回目錄

黑 店 NovX Computer Company 北 角 英 皇 道 27x-28x， King's park Lane， Shop 6x 地 鋪 。

本 人 向 該 公 司 購 入 一 張 啟 亨 聲 效 卡 ， 老 闆 當 時 很 熱 情 ， 口 口 聲 聲 話 兼 容 、 沒 問 題 ， 本 人 用 IBM 完 裝 機 ， 老 闆 話 自 己 都 係 ， 已 經 試 過 了 ， 全 沒 問 題 。  點 知 ， 張 卡 partly works and partly failed ！ 簡 單 講 ， 有 問 題 、 不 是 全 兼 容 ， 我 走 去 問 佢 ， 佢  一見 我 ， 可 能 知 發 生 甚 麼 事 ， 一 開 聲 己 態 度 惡 劣 ， 問 佢 點 解 ， 佢 話 無 得 解 。

最 後 ， 我 只 好 再 買 過 第 二 張 ， 而 果 張 只 好 送 俾 唔 係 用 IBM 機 的 朋 友 。 雖 然 只 係 300 幾 元 ， 但 這 種 人 太 離 譜 ， 點 解 要 呃 人 ？ 我 當 佢 賺 $200 好 啦 ， 為 o左 $200 都 呃 人 ？

本 來 想 去 消 委 會 投 訴 ， 但 相 信 咬 佢 唔 入 ， 因 為 佢 沒 有 在 單 據 上 列 明 完 全 兼 容 。

Kevin wrote

1999年1月2日

檔案八十三：又貴又少咁o的o野o既遊戲店 回目錄

灣 仔 188 電 玩 黑 店 - 「 環 求 」 遊 戲 專 門 店 DeluxX Company ， Shop 158， 1/F.， Oriental 188 Shopping Centre ， 188 WanChai Road 。

該 店 經 營 手 法 差 劣 ， 除 了 遊 戲 主 機 價 錢 不 敢 太 離 譜 外 ， 其 他 配 件 專 門 抬 高 價 錢 欺 騙 消 費 者 ，  $100 光 線 槍 竟 賣 $250 ， $60 AV 線 竟 賣 $160 ， 完 全 離 譜 ！ 有 時 更 抽 起 部 份 配 件 ， 消 費 者 不 格 價 或 Check 貨 先 至 買 ， 分 分 鐘 中 招 ！

該 店 有 一 位 叫 「 阿 D 」的 Sales ， 手 法 最 差 ， 各 位 消 費 者 請 再 莫 到 該 黑 店 買 電 玩 。

BC02178 wrote

1999年1月3日

該 店 一 早 已 臭 名 遠 播 ， 我 更 親 眼 睇 過 一 次 場 內 「 有 勢 力 人 士 」 陪 條 女 同 班 Sales 講 數 ！ 話 班 Sales 呃 條 女 買 貴 o野 ， 班 Sales 見 有 場 內 大 佬 先 至 肯 幫 條 女 換 番 貨 比 番 錢 條 女 。 個 班 Sales 正 一 古 惑 仔 ！

9000VOLTS wrote

1999年1月4日

檔案八十四：Modem 不對板疑雲 回目錄

我 同 個 老 細 講 話 要 Zoom  o既 v.90 Internal Modem ， 但 係 我 又 唔 係 好 識 分 。 因 為 我 有 個 friend 另 外 買 o左 部 機 ， 咁 佢 上 門 送 貨 o個 陣 就 俾 埋 我 ( 佢 話 要 番 倉 度 取 貨 ) ， 但 係 我 番 o黎 install o左 之後 發 現 原 來 係 HSP MicroModem 56 ， 咁 係 咪 貨 不 對 板 ？ 我 對 hardware 真 係 完 全 唔 熟 ， 如 果 真 係 受 騙 我 應 該 點 做 ？ 請 指 教 ！

( 網 主 註 ： HSP Type Modem o係 半 硬 半 軟 Modem ， 即 一 半 由 Hardware 去 做 Modem Communicaiton ， 一 半 由 CPU 去 做 資 料 Encode 及 Decode 。 )

須座之男明 wrote

1999年1月6日

有 沒 有 單 ？ 有 的 話 看 看 是 不 是 寫 著 Zoom v.90 Modem ？ 有 便 快 快 拿 去 換 。

七姐 Seven Sister wrote

1999年1月6日

就 係 冇 單 呀 ！ 唔 係 ， 應 該 話 張 單 冇 寫 modem 。 所 以 我 都 唔 知 型 號 咁 唔 咁 ， 同 埋 我 都 唔 知 幾 錢 ， 因 為 係 全 部 一 齊 計 o既 。 但 係 個 Sales 係 我 個 friend o黎 o架 ... 不 過 都 唔 係 好 熟 ... 咁 我 都 唔 知 應 該 點 ！

( 網 主 註 ： 拆 張 Modem 卡 出 來 看 看 它 的 Model Number 吧 ， 大 廠 如 Zoom 會 在 卡 上 印 有 Model Number 的 。 )

須座之男明 wrote

1999年1月6日

檔案八十五：110 volt 的行貨？ 回目錄

近 日 ， 本 人 的 朋 友 在 旺 角 被 一 間 影 音 店 欺 騙 金 錢 。 照 朋 友 所 說 ， 店 員 所 用 的 手 法 很 低 賤 ， 後 來 我 個 friend 發 現 後 與 他 爭 辯 ， 他 騙 說 愛 華 MD 好 ， 行 貨 有 110V 電 壓 ， 是 全 城 最 平 ， 保 用 幾 年 等 無 稽 之 話 ！

個 friend 講 o個 間 店 叫 ： 「 伯 」盈 影 音 店 ( "HIGH" VI CENTRE )

旺 角 亞 皆 老 街 6x 號 地 下
G/F., 6x ARGYLE ST., MONG KOK, KOWLOON

旺 角 地 鐵 站 A3 出 口 行 兩 條 街 左 右 ， 大 家 小 心 !!!

Bill Chan wrote

1999年2月14日

檔案八十六：錯誤宣傳產品資料 回目錄

本 人 受 「Four 學 腦 電 子 」 ( VIx ENTERPRISE CO.) 所 騙 ， 地 址 ： 九 龍 深 水 (土步) 欽 州 街 94 號 A ， 高 登 電 腦 中 心 1 樓 7x-8x 號 。 事 故 如 下 ：

本 人 於 七 月 十 二 日 傍 晚 在 上 述 公 司 看 到 數 碼 相 機 MUSTEK VDC-100 的 宣 傳 牌 寫 著 可 以 影 到 20 張 640x480 pixel ( 高 解 像 度 ) 的 相 片 。 售 貨 員 亦 如 此 宣 傳 。 於 是 本 人 便 以 $1700 買 下 相 機 ， 回  到 家 卻 發 現 此 機 的 解 像 度 最 高 只 有 320x480 pixels ( 解 像 度 ) ， 比 售 貨 員 聲 稱 的 640x480 差 很 多 ，   加 上 只 可 以 拍 十 張 相 片 ， 只 有 用 更 低 的 解 像 度 才 可 以 拍 下 20 張 數 碼 相 片 。 這 樣 是 嚴 重 的 貨 不 對 辦 啊 ！

於 是 次 日 下 午 ， 在 友 人 陪 同 下 往 上 址 理 論 。 該 店 主 看 罷 說 明 書 後 承 認 宣 傳 描 述 錯 誤 ， 但 不 肯 退 錢 ， 而 且 更 開 出 條 件 以 相 同 價 錢 在 其 公 司 購 買 其 他 貨 品 ， 我 們 繼 續 理 論 ， 其 間 他 態 度 惡 劣 、 發 爛 渣 ， 更 出 言 侮 辱 我 們 ( 例 如 ： 他 毀 謗 我 們 是 玩 完 玩 剩 找 籍 口 換 錢 ) ， 手 指 指 、 站 著 不 出 聲 ！ 其 後 他 又 開 出 條 件 ， 說 我 們 若 在 任 何 電 腦 商 店 買 任 何 貨 品 ， 只 打 電 話 給 他 ， 他 便 會 即 時 代 付 。 我 們 覺 得 他 的 條 件 根 本 不 會 實 現 ， 於 是 我 們 離 開 ， 拍 下 證 據 以 作 投 訢 。   他 即 以 場 內 不 得 攝 影 為 理 由 與 商 場 的 看 更 把 我 們 的 證 據 毀 滅 ！

Hacker (No.243) wrote

1999年2月14日

檔案八十七：unAble 的售後服務   回目錄

Hi All,

小 弟 呢 幾 日 有 個 好 悲 慘 o既 買 MON 經 歷 ！

我 o係 灣 仔 電 腦 城 某 某 舖 頭 買 o左 個 「 師 TX」 o既 1795UA ， 一 心 返 屋 企 以 為 有 新 MON 用 啦 ， 因 為 我 隻 舊 SONY 15SF 釘 o左 ， 點 不 知 一 係 唔 插 ， 一 插 直 情 睇 到 眼 都 凸 埋 出 o黎 ！ 成 個 新 MON 係 "黃" 色 底 o既 ， 又 有 好 多 「 磁 印 」 ( 即 係 周 圍 一 o達 o達 黑 色 ) 不 突 止 ， 原 來 連 個 MON 個 Screen 都 係 花 o既 ！

咁 我 就 正 常 地 即 刻 打 電 話 俾 我 買 MON o個 間 舖 頭 問 問 點 算 啦 ， 咁 間 舖 頭 就 安 排 o左 「 師 TX」 ( 即 香 港 代 理 "unAble" ) 間 公 司 o既 師 父 幫 我 睇 睇 啦 ... 好 啦 ！ 最 精 彩 o既 時候 出 現 啦 ！ ( 就 係 「 師 TX」 o個 個 所 謂 識 得 整 MON o既 師 父 上 o左 o黎 之 後 )

(1) 佢 幫 我 換 o左 條 Data Cable ， 以 經 無 o左 黃 色 o既 現 象 ( o個 陣 我 都 重 以 為 佢 有 o的 料 到 )
(2) 個 Screen 花 o左 佢 話 係 我 整 o既 ， 我 都 忍 o左 ...
(3) 最 後 佢 話 ： 「 個 MON 黑 係 因 為 有 磁 干 擾 ， 就 會 咁 o架 ！ 不 過 都 有 辦 法 o既 ， 你 可 以 o係 個 MON 側 邊 放 隻 唔 防 磁 o既 Speaker ， 轉 轉 o下 隻 Speaker 就 無 黑 o架 啦 ！ 我 o地 「 師 TX」 間 廠 Test o的 MON o個 陣 ， o的 MON o既 方 向 都 要 全 部 要 向 住 「 東 面 」 o架  ！ 如 果 唔 向 住 「 東 面 」 o黎 Tune 隻 MON ， 隻 MON 就 一 定 有 磁 o架 ！ 無 得 整 o架 ！ 」

P.S. 我 講 o既 o野 全 部 都 係 事 實 ， 雖 然 我 個 真 名 唔 係 叫 高 進 ， 但 係 我 唸 呢 條 友 個 心 一 定 叫 我 做 "Law But" ！ 我 個 心 唸 ，如 果 我 住 南 、 西 、 北 o既 方 向 ， 咪 唔 使 用 電 腦 ？？

再 P.S. 雖 然 我 講 o既 o野 可  能 係 Off-Topic ， 希 望 大 家 能 夠 原 諒 小 弟 一 次 ！ Sorry All ！ 我 打 o左 咁 多 個 字 ， 只 係 想 講 一 講 「 師 TX」 ( 即 "unAble" ) o既 所 謂 「 售 後 服 務 」 真 有 格 ！ 希 望 唔 會 有 朋 友 步 小 弟 o既 後 塵 ， 二 三 千 蚊 個 MON 唔 係 好 大 問 題 ， 最 大 問 題 係 條 氣 好 唔 順 ， 比 o左 錢 ， 而 得 到 咁 o既 收 場 ......

高進  : (   wrote

1999年3月5日

檔案八十八：差勁 Sales 做壞正店名 回目錄

本 人 在 3 月 7 日 ， 下 午 4 時 許 在 旺 角 「 Fung 澤 」 電 器 ( 黑 店 ) 買 了 一 部 HP LaserJet 1100 打 印 機 ， 價 值 $3288 ， 但 那 台 機 正 在 做 緊 特 賣 ─ 原 廠 跟 機 2M RAM 再 加 送 原 廠 8M RAM ( 始 資 料 由 HP 原 廠 提 供 ， 2 月 5 日 開 始 特 賣 ) ！ 但 當 我 買 機 時 ， 「 Fung 澤 」 電 器 ( 黑 店 ) 內 的 電 腦 部 Sales 親 口 說 其 另外 的 ( 8M RAM 以 經 附 加 到 機 內 ) ， 本 人 因 沒 有 買 過  Laser 打 印 機 的 關 係 ， 所 以 不 知 RAM 的 安 裝 位 置 在 那 �� ， 所 以 完 全 信 任 「 Fung 澤 」的 Sales 的 慌 言 。

當 回 到 家 開 機 作 測 試 時 ， 列 印 出  HP Laser Jet 1100 機 內 Configuration Setting 時 ， 卻 顯 示 只 得 原 廠 的  2M RAM ， 但 最 初 �m 不 敢 相 信 ， 後 來 我 依 從 說 明 書 內 的 細 節 檢 查 ， 當 一 打 開 機 背 的 一 片 小 蓋 後 ， 內 �� 空 空 如 也 ！ 看 到 的 只 是 一 個 沒 有 插 上 RAM 的 RAM 底 座 一 個 ， 已 經 再 沒 其 它 了 ！ 盒 內 也 沒 有 旺 角 「 Fung 澤 」 電 器 電 腦 部 Sales 所 說 的 8M RAM ！

本 人 立 刻 至 電 旺 角 「 Fung 澤 」 ， 但 當 電 話 轉 到 電 腦 部 時 ， 本 人 問 及 以 上 問 題 時 卻 又 被 多 次 Hold 線 及 Cut 線 。 最 後 一 次 回 答 問 題 時 ， 答 案 係 ： 「 跟 機 有 就 有 無 就 無 ！ 」

以 上 答 案 相 信 各 位 也 知 怎 麼 一 回 事 ！

****** 事 件 唔 排 除 電 腦 部 門 有 職 員 利 用 貨 物 外 附 物 品 作 非 法 轉 讓 、展 銷 ， 及 未 經 HP 公 司 同 以 把 貨 物 外 附 物 品 作 收 藏 及 非 法 販 賣 用 途 ******

現 這 件 事 以 經 交 由 旺 角 警 察 分 處 及 HP 香 港 公 司 Hewlett - Packard Hong Kong 處 理 。希 望 有 關 人 事 及 大 眾 留 意 。

最 後 希 望 大 家 在 買 電 腦 時 請 小 心 ， 有 一 些 你 / 妳 以 為 好 信 譽 的 商 店 ， 也 會 在 妳 / 你 不 為 意
時 ， 被 它 們 當 做 水 魚 ... 作 生 「湯 」 用 途 ！ 小 心 !!!

Racal wrote

1999年3月7日

檔案八十九：真保用證、假 Serial No. 回目錄

我 於 舊 年 大 約 八 月 左 右 ， 在 旺 角 電 腦 中 心 一 間 叫 「靜 」 信 的 鋪 頭 買 了 一 硬 碟 ， 講 明 是 行 貨 ， 由 ER 代 理 的 Quantum Hard Disk 。 當 時 我 只 看 有 冇 保 用 證 ， 及 保 用 證 有 冇 該 店 印 鑑 ， 而 該 店 一 向 給 人 印 象 不 像 黑 店 ， 而 價 錢 也 不 便 宜 ， 於 是 我 放 心 付 錢 。 到 今 年 二 月 中 ， 我 的 硬 碟 出 了 問 題 ， 於 是 我 拿 去 ER ， 但 ER 回 復 我 我 的 硬 碟 是 水 貨 ， 沒 有 保 養 。 我 問 ER 為 甚 麼 我 有 保 用 證 也 會 是 水 貨 ， 他 答 我 ： 「 保 用 證 是 真 的 ， 但 查 看 硬 碟 的 serial no ， 並 不 是 屬 ER 代 理 的 。 」 於 是 我 回 去 「靜 」 信 問 個 究 竟 。 由 於 我 又 失 了 發 票 ， 「靜 」 信 不 認 是 他 們 賣 的 ， 令 我 對 現 在 的 電 腦 店 非 常 失 望 及 沒 信 心 ！

poleung wrote

1999年3月7日

檔案九十：不盡力的代理不提供服務 回目錄

「 SparX 」 代 理 。 前 兩 天 跟 友 人 到 此 代 理 處 維 修 一 台 1.5G External Drive ， 其 代 理 表 示 美 國 生 產 商 已 經 清 盤 ， 所 以 他 們 不 會 提 供 任 何 服 務 ， 就 算 此 台 機 器 仍 在 保 養 期 內 亦 一 樣 。 對 方 叫 友 人 自 己 找 方 法 ( 到 Internet 上 ) 或 用 三 千 多 元 換 購 另 外 一 個 牌 子 的 產 品 ， 此 外 就 與 此 代 理 無 關 。

以 上 是 什 麼 的 售 後 服 務 ？ 什 麼 的 雙 方 保 用 條 款 ？ 什 麼 的 道 義 ？ 叫 人 怎 樣 相 信 他 們 ？

rickhom wrote

1999年3月17日

以上內容並「非本網主意見及立場」。如有雷同，實屬巧合！

回前頁

電郵我